Pakiramdam na pinagdirimlan ng paningin kasabay ang pagsakit ng ulo.
Nakaramdam akó ng hílo nang maglakad akó sa kainitan ng araw.
→ LIYÓ, LULÀ, PAGKALIYÓ, PAGKALULÀ

• • pagkahílo: Pangngalan
• • hilúhin, humílo, ikahílo, mahílo, makahílo, nahihílo: Pandiwa
• • hiluhín, mahiluhín, mapaghílo: Pang-uri

Nagdidilim at umiikot ang paningin; magulo ang isip; walang malámang gawin.
Hiló ang pakiramdam ng aking pinsan dahil hindi siya sanáy sa daang zigzag.
→ LIYÓ, LULÂ, TULIRÓ

• ► párang hilóng talílong
  ➞ Litong-lito; gulong-gulo ang pag-iisip; hindi maláman ang gagawin.
  Pára akóng hilóng talílong kapag may sakit ang anak ko.